新潮樓 (已結業)

一通关即刻有亲戚返嚟，仲住埋喺我屋企，于是乎就近近哋去EMAX揾食。外国返嚟当然想食中菜，最后就拣咗新潮楼。呢度地方够大，如果钟意环境宽敞有空间感嘅，呢度真系不二之选。星期五六日仲有Live Band喺度演出，够晒气氛。每次食潮州菜，有两款必点嘅菜式，其中一款就系卤水鹅片，而且仲有得拣选自由配搭双拼同三拼。卤水鹅片当然就系主打，佢嘅鹅片唔算有太多肥膏，但系食落口感仍然系软滑唔会太韧，加上佢嘅秘制卤水汁又唔会过咸，整体感觉都好好。墨鱼都系另一款受欢迎嘅卤水菜式，墨鱼既弹牙又爽口，每片都够大块，拣呢个配搭完全唔会后悔。原本想拣豆腐，不过店员话豆腐唔靓，最近冇做卤水豆腐，最后我哋就拣咗猪耳，脆卜卜嘅软骨，配上入味嘅猪皮，呢个份量浅尝一下啱啱好。另一款潮州菜必点菜式就当然系香煎蚝仔洛，佢嘅做法同出面有啲唔同，粉浆嘅比例比较多，所以就零泻脆口，但我个人就比较钟意蛋浆比例多啲嘅口感，不过佢都胜在每只蚝仔够大只，所以整体都唔错嘅。自家制虾蟹枣粒粒都够晒大粒，虾枣弹牙而蟹枣就够鲜味，最钟意佢有得双拼，人数唔多都可以食到。潮州嘅蔬菜类就一定拣排骨春菜煲，呢个春菜煲嘅汤相对较清，仲有好多姜粒，可以驱走芥菜