新潮樓 (已結業)

都好耐無食潮州菜 搵咗附近竟然九展就有一間 呢日收工近近地叫埋轉咗起附近返工既大佬一齊食埋個晚飯先間野叫新潮樓 個店名有啲食字feel 位置上唔係上網搵到附近有呢間餐廳都唔會搵到 佢係相對隱蔽位置 但入到去都超級寬敞 坐落亦舒服 環境清幽 啱想放鬆傾偈聚下食餐飯既人食親潮州嘢 基本上都會叫鹵水鵝 兩個人小小地叫咗份例牌鹵水鵝片仲有蠔餅 炸鮮魷 同叫個炒菜雖然叫例牌但嚟到鹵水鵝片既份量仲多過menu相片 兩個人食有突 鵝片夠軟身有淡鹵水汁味 啱哂追求唔好太重口味既人 蠔餅係蘇炸 上枱大塊 味道鹹度較重口味 就相反啱鐘意食重鹹口味既人 而最啱我哋口味既就係帶子炒西蘭花 好鐘意去中菜店食西蘭花因為爽脆香甜 叫咗個素菇菌湯 唔錯 幾清香 本身諗住叫埋甜品 但點知都幾飽下 可能下次再嚟過