金田家 (已結業)

终于揾到机会食一直想试嘅金田家🍜见到佢系拎过好多拉面奖咁，今次就试吓系咪真系咁好食先🤭.基本嘅豚骨拉面其实只需$78，但我谂起加咗黑松露嘅豚骨拉面就觉得一定会更正，所以决定豪啲要有黑松露嘅🤤果然拉面一上枱就闻到好香嘅黑松露味🤤豚骨汤底质感不稠，但食落味道都够，应该已经满足到大多数人嘅要求。面条系幼身直面，硬度方面我选了「硬」。面条食落有口感。(话说同行朋友面条选了「超硬」，食落口感同我𠮶啲都差唔多咁)叉烧薄而望落偏瘦，但食落都唔嚡，OK的。我会形容呢碗拉面为「食完罪恶感唔会好高嘅拉面」🍜🤣.大家一定要加钱要溏心蛋💓呢到嘅拉面好似本身都唔包溏心蛋的。我本身就觉得食拉面就一定要有溏心蛋😆溏心蛋煮得刚好，蛋黄呈啫喱状，一食落发觉调味也刚好，唔错😝一啖半个溏心蛋，两啖就食完一个，差啲想追加😹.虽然唔系我食过汤底最浓郁嘅豚骨拉面汤底，但整体质素都属中上嘅，如果叫基本嘅豚骨拉面会抵食啲。我再额外叫咗一杯可尔必思，即系乳酸饮品，几好饮但有啲贵🙈后面系朋友叫嘅鸡白汤豚骨拉面🍜我饮咗一啖汤底，觉得咸味重啲。即炸热辣辣嘅薯饼。