豐衣粥食

营业中

休息中

韩国菜、甜品、火锅、拉面、怀旧冰室⋯⋯系香港你谂到既谂唔到既花巧既华丽既都有得你食。但花巧过后，平淡中果一抹鲜味，才是最令人百尝不厌。我已经光顾过丰衣粥食好多次，最初去旺角熟食中心系唔想再等位，岂料就咁就发现左块珍宝，一间我愿意日日去食既餐厅。佢主打有无数咁多汤饭，我试过既唔多，因为紫菜蚝仔肉碎粥太好食，唔想再试其他野。定价$45既份量等同出面打冷铺所谓一煲，但其美冠绝果啲被吹棒到天上有地下冇既打冷铺。汤头鲜、温度热、紫菜香、菜心脆，所有野加埋混和出令人食髓知味既家常味道。当然食咁多次，总有失手既时候，果次蚝唔鲜，但后来再食都保持水准。如果呢档野个阿叔唔做，我呢世都唔会再想食蚝仔肉碎粥。最近有试过咸鸡饭配生菜鱼肉汤。鸡味浓，饭味香，再配上鸡油，比出面所谓海南鸡饭好食10倍。配饭既生菜鱼肉汤系用黎煮粥既鲜汤。绝不口渴。一个大男人食都够饱，只系$38。以佢既美味，绝对有资格收double价钱。