九龍粉麵 (已結業)

Lunch Time 要来个快食，就拣咗公司附近嘅 九龙粉面。平常食粉面除咗快之外，清清地都系其中一个目的。九龙粉面坚持唔落味精，即使葱花都为点缀。我地一行三条女，每人一碗净米，再加呢碗九龙十三太宝 。佢听落好似系啲咩大补酒咁，其实佢系净𩠌，一共有13款食材，鱼蛋、鱼角、水饺、云吞、鲮鱼球、牛腩、牛孖筋、牛什四宝（牛肠、牛膀、牛肺、牛肚）、牛沙瓜和南乳猪手。(明抄，点记得咁多!) 记得要先食丸类！鱼角已够惊喜，弹牙不在话下，鱼皮鲜香！跟住就食牛类。平时好怕食牛杂内脏，一咬就散嘅口感真系打晒冷震。但系呢到嘅牛沙瓜，就有烟un嘅口感仲有牛腩𠮶种牛味，好正！最后就当然系个猪手啦，可惜系腻咗啲，一啖就够。呢间新式嘅粉面店，湾仔区黎讲，值钱又唔贵，真系值得推荐！