小曼谷泰國美食 (已搬遷) 新店位置

朋友话想食泰国菜，当然系去九龙城啦。今次来到小曼谷，门口有个好有动感的公仔，好易认。椰青海鲜焗饭 $92原个椰青上碟，唔讲仲以为系甜品添！海鲜饭填满整个椰青。饭粒沾满椰浆的香甜味，又绵又甜。除咗两只青口，饭入面仲入蚬、鱿鱼、元贝、杂豆。食到最尾仲可以食埋周边的嫩滑的椰青肉。青芒果丝沙律笋壳鱼 $168笋壳鱼炸到脆卜卜，肉质保持嫩滑，配酸酸地的青芒果丝一齐食，几开胃。泰式煎蚝饼 $98镬气十足，啲蛋丝好酥脆，蚝仔份量十足。沾埋泰式辣酱食，够晒惹味。明炉香柠汁原条鱿鱼筒 $158明炉乌头食得多，换做鱿鱼筒，味道都唔错喔。先饮啖汤，辣中带酸，越饮越过瘾。鱿鱼筒好鲜嫩，肉质柔软。鱿鱼须的位置爽口弹牙。椰青波波 $45卖相可爱，原个椰青起肉，泡在椰青水中。椰青波波最吸引人是唔需要用力，就已经可以食到嫩滑的椰肉刺身。番茄仔沙冰 $26饮落确确实实就系浓郁的车厘番茄味，变成沙冰后更加清甜可口。菠萝沙冰 $26淡淡的菠萝味，消暑佳品。