金蘭花泰國菜館

营业中

休息中

如果话夏天系食泰菜既季节，应该无人会反对，如果话食泰菜就要去九龙城，应该都唔会有人反对。呢晚同朋友兜左几个圈，望到呢度入面都几有人气，一于入去凑下热闹我拣左个冬荫功汤粉丝花蛤，老板话花蛤呢一两个月最盛产。果真冇介绍错，食落都几肥嫩鲜甜，再配埋冬荫功既香辣，唔错！不过份量少左D，如果再大碗少少就更加好喇。盐烧鲗鱼，鱼肚入面塞满切碎左既香茅、南姜、香叶等泰式香料，令鱼肉的嫰滑鲜甜更为突出，充满泰式风味。餐厅环境比较嘈同埋坐得迫，但食物质素同性价比都算高，大家下次黎开九龙城不坊一试。