影片
更多
2021-10-02
752 浏览
今日同男朋友去九龙城一日游，当然要食翻餐泰式晚餐先似样！ 见呢间菜馆个餐牌都几多选择，有泰又有越，一于试下！餐厅上菜速度都几快，不过略嫌坐得迫啲，而且服务态度都好一般，隔离嘅情侣要求掉位问可唔可以坐喺另一边，个阿姐直接答：唔可以 😂 一开始叫咗一个细嘅小食拼盘，上面有荷叶鸡、虾饼、春卷同埋串烧鸡，份量都唔少。每样嘢有三份，即系呢个细拼盘系预三个人食～虾饼都弹牙香口嘅，但系我见佢餐单有另一种虾饼入边𫗵咗虾膏，一开始仲以为拼盘都会系依款特别嘅虾饼，可惜系普通嘅。荷叶包鸡就系好普通嘅香料鸡 😂 佢嘅春卷系有原只虾嘅 冇其他配料啦。仲有串烧鸡，其实依个拼盘入边嘅四样嘢我都钟意食，但只可以话四样都冇乜特别。另一个系泰式炒金边粉，相对来讲份量几少，我哋两个人食都OK嘅，味道方面香口有镬气，但质感有啲湿，应该系因为用泰式酱炒嘅原因，同埋成碟得两只虾。我哋仲叫咗一个青咖喱鸡，我几欣赏佢啲豆角同茄子唔会煲到烂晒，但系鸡就系好普通嘅急冻鸡肉 佢个青咖喱质感比较稠身，应该系落咗好多椰浆，同埋唔算好辣嘅～我哋叫咗一个蒜蓉包（唔记得影相）配咖喱食。最后我哋每人仲有杯嘢饮，男朋友嘅龙眼薏米冰非常甜，我嘅咸柠七都几
餐厅上菜速度都几快，不过略嫌坐得迫啲，而且服务态度都好一般，隔离嘅情侣要求掉位问可唔可以坐喺另一边，个阿姐直接答：唔可以 😂
一开始叫咗一个细嘅小食拼盘，上面有荷叶鸡、虾饼、春卷同埋串烧鸡，份量都唔少。每样嘢有三份，即系呢个细拼盘系预三个人食～虾饼都弹牙香口嘅，但系我见佢餐单有另一种虾饼入边𫗵咗虾膏，一开始仲以为拼盘都会系依款特别嘅虾饼，可惜系普通嘅。荷叶包鸡就系好普通嘅香料鸡 😂 佢嘅春卷系有原只虾嘅 冇其他配料啦。仲有串烧鸡，其实依个拼盘入边嘅四样嘢我都钟意食，但只可以话四样都冇乜特别。
另一个系泰式炒金边粉，相对来讲份量几少，我哋两个人食都OK嘅，味道方面香口有镬气，但质感有啲湿，应该系因为用泰式酱炒嘅原因，同埋成碟得两只虾。
我哋仲叫咗一个青咖喱鸡，我几欣赏佢啲豆角同茄子唔会煲到烂晒，但系鸡就系好普通嘅急冻鸡肉 佢个青咖喱质感比较稠身，应该系落咗好多椰浆，同埋唔算好辣嘅～我哋叫咗一个蒜蓉包（唔记得影相）配咖喱食。
最后我哋每人仲有杯嘢饮，男朋友嘅龙眼薏米冰非常甜，我嘅咸柠七都几好饮。埋单$350，算系好合理嘅价钱，但总括来讲我觉得系稳阵之选，唔会令我觉得九龙城泰国菜有咩咁特别😗
张贴
