小店 (已結業)

午饭时间又一支公流落九龙城，本来想去「大婆」食牛肉面，兜两个圈都唔到，去到侯王道见到「小店」，食友评语不俗，于是一试。真系名乎其实，间舖真系很小，最多坐廿人。午餐$30，有三款拣：肉眼扒、鸡扒及意粉（唔记得系乜）。拣了肉眼扒跟薯菜，肉眼扒是薄切，有肉味唔算。薯条系新鲜炸，好好食兼份量十足。至于杯咖啡就淡，唔落糖都唔会苦。整体讲，都好满意。唔明白有D人帮衬少少又要求多多，如果系大酒店又收你几百蚊就梗系唔收货。区区几十蚊就有咁水准，咁都要弹，真系唔知佢食乜大？另外，全店除本人外，全部都系学生。而家D学生都好幸福，我旧时食学生餐只系卖$1.7。