聚味軒 (已結業)

一间中式高尚餐厅， 有格调，茶每位五蚊，比一般酒楼平少少，虽然冇围餐叫，但可以拣12人大枱食饭。 野食好食，用既都系好食材，抵食，料多，只系味道浓烈少少，火喉够劲。金银蛋炒菜心 88hkd皮蛋，香菇，鸡蛋等等， 多种食材炒埋，菜心新鲜， 一d都唔油腻。自家制韮菜饼3件装 18hkd*3香口上海韭菜饼， 韭菜味特级香浓， 饼唔算太块，但系非常好食， 煎得有功夫，每面都金王黄可口。姜葱鱼卜 88hkd (最最最值得叫多一碟打包)花胶每一块都非常弹牙，胶质浓郁， 芡汁多， 咸味适中， 姜葱蒜头，调味，香口，正，一个人食一碟都唔够喉。薯仔和牛柳粒 98hkd蜜汁炸薯仔牛柳粒， 功夫多， 非常钟意食佢嘅薯仔，好干身脆口，蜜汁份量刚刚好， 丰富淀粉质嘅薯仔配丰富蛋白质既牛柳粒好夹， 睇落份量唔多，食耐其实好多。热杞子菊花蜜 20hkd*2菊花大朵，靓花，够热，唔会太甜， 配饭食较恰当， 叫小菜的话，饮茶已经够皮。一人围番都系130蚊左右。