新越越式料理 (已搬遷) 新店位置

放工同老公去九龙城揾野食，食得太多泰国野同西餐，今次想试下第二样。行行下见到有间越南野，都不失为一个唔错既选择，可以为我地月尾既蚬港次旅做好准备。一入去见到里面装修好温馨，挂满鸟笼令人感觉好写意。座位都好阔落，果个时段唔系太多人，好快就安排左我地入座喇。餐单选择好多，但我地胃口不大。我地两个人拣左三样野食：生牛肉河、牛柳粒红饭同牛油田鸡。《生牛肉河》生牛肉河系我最钟意既Vietnam food，必点。上枱热辣辣、好香香料味，伴碟有青柠、生青红辣椒同香草叶，可以按需要加入。我就重口味既，差唔多放哂所有配料落去。先饮一啖汤，好够火候，有齐各重香料味，都有少少肉味，仲有淡淡药材既清香。再食一块牛肉，好鲜甜，系新鲜手切牛，值得加分。河粉切到薄一薄，又唔会轻易夹断，都系好考功夫的。份量方面，牛肉有十块以上，都算好足料；但河粉唔多，大食既男士要注意。《牛柳粒红饭》呢个就系老公既飞佛，基本上都系佢既必点项目。价钱唔平，好彩上枱都够份量。牛柳粒有好多，大大粒，甜中带少少酸，几惹味。红饭带诚意，认真煮过，但我地觉得可以再干身少少。《牛油田鸡》呢个不得了喇！我平时好钟意食牛油鸡翼，贪其重口味。估唔到呢度有