泰發泰國餐廳

营业中

休息中

今日晚上同朋友一齐黎到九龙城，黎到九龙城不得不试就系地道既泰国菜，今晚就决定食呢一间既泰国餐厅，叫「泰发泰国餐厅」。我地黎到唔使等位已经可以好快入座，环境算唔错，坐低之后，望一望餐牌，真系有好多选择，最后我地点左一个招牌菜，一个小食，一个菜，分别系招牌泰式咖哩炒肉蟹（送蒜蓉包5件）、柠檬烧牛肉同马拉盏炒通菜。首先上台既系马拉盏炒通菜：份量都好大碟，而且岩岩炒起够哂热，食落去味道都好香，好入味。之后再上台既系柠檬烧牛肉：呢一款菜式我未系其他泰国餐厅食过，所以叫左试一下，将牛肉点落个汁度，连埋蒜蓉、辣椒，食落去酸酸辣辣，食落几开胃，味道唔错，而且份量都好多，最底仲有菜tim。最后上台系泰式咖哩炒蟹连蒜蓉包：份量系超大碟，足够3-4人食，只蟹都好大只，连埋黄咖哩一齐食，好好味，蒜蓉包再点埋个黄咖哩一齐食。