城寨風味

营业中

休息中

九龙城一直都美食云集，除左泰菜，火锅外，都隐藏唔少唔同地方既美食，好似今日食既城寨风味，就系一间精致既中餐馆。走入城寨风味，彷佛置身旧日九龙城寨，墙花装潢都一副仿古味道。打开餐牌，每道菜式都感觉毫不简单，好多款都吸引到我哋，可惜只有两个人，食完好食下次一定揾埋三五知已来食，最后我哋点左一只秘制红烧乳鸽，金沙虾球同鱼米龙趸泡饭，足够我哋两个食饱有余。秘制红烧乳鸽，表皮炸到油光四射，碟上无多余既油，咬一口感受到乳鸽外皮香脆，肉嫩鲜美，连骨都食得落肚，可见乳鸽之幼嫩。金沙虾，上到枱时吓一吓，虾球大粒粒，炸得好酥脆，外皮满满咸蛋黄，食落虾肉弹牙，份量十足。鱼米龙趸泡饭，脆米啱啱炒好，埶辣辣好香米味，泡饭鱼汤底鲜甜，龙趸肉细切成粒，同泡饭一啖食啱啱好。估唔到城寨风味每份𩠌菜都咁大份，呢度应该3个人都足够有余，埋单都系500零，咁既质素真系算得上价廉物美，值得推介。