影片
更多
2023-10-25
542 浏览
📌 Cafe Gabbana - 九龙城南角道62号地舖🗓(25/10) 星期三 ⏰ 晚上6:30左右 💈特式：衬今日放假，可以揾间舒服嘅西餐厅食个晚饭慢慢享受下，见到近近地系九龙城有呢间多国菜西餐厅，所以等埋另一半收工就一齐去试下。🥩🍔🌭🌮🥗🥯🥘🍲🍝🍣🥟🍤🍱食物：餐厅唔止做单一国家菜式，分别以🇪🇸西班牙/🇩🇪德国/🇫🇷法国/🇮🇹意大利菜式为主，再加入餐厅自家元素，而家等我同大家讲下🌍味道先。叫左两个Special Dinner Set，套餐会包左餐汤/沙律配前菜/主菜/餐饮，都几满足，价钱就睇下你拣乜主菜以定，大致上都系$3️⃣0️⃣0️⃣左右。🥣餐汤 - 今日是日餐汤就系洋葱汤同椰菜花汤，我地就试晒两款。洋葱汤好足料，入面有大量洋葱丝，味浓但唔会辣口，反而仲有阵阵洋葱甜味；椰菜花汤好creamy，入口丝滑，而且椰菜花味极浓，饮得出椰菜花嘅精华。跟餐汤亦配左每人两片蒜蓉多士，蒜蓉味唔算好浓，但就好香脆。🥗沙律配前菜 - 沙律就系藜麦杂菜沙律，配搭嘅前菜有4个选择，包括西班牙猪腩片同焗牛油果蟹肉，另外仲可以加钱转法国鹅肝或者半打法国田螺，我地就拣左唔洗加钱个两款。西班牙猪腩片我觉得好出色，g
🗓(25/10) 星期三 ⏰ 晚上6:30左右
💈特式：衬今日放假，可以揾间舒服嘅西餐厅食个晚饭慢慢享受下，见到近近地系九龙城有呢间多国菜西餐厅，所以等埋另一半收工就一齐去试下。
🥩🍔🌭🌮🥗🥯🥘🍲🍝🍣🥟🍤🍱
食物：餐厅唔止做单一国家菜式，分别以🇪🇸西班牙/🇩🇪德国/🇫🇷法国/🇮🇹意大利菜式为主，再加入餐厅自家元素，而家等我同大家讲下🌍味道先。
叫左两个Special Dinner Set，套餐会包左餐汤/沙律配前菜/主菜/餐饮，都几满足，价钱就睇下你拣乜主菜以定，大致上都系$3️⃣0️⃣0️⃣左右。
🥣餐汤 - 今日是日餐汤就系洋葱汤同椰菜花汤，我地就试晒两款。洋葱汤好足料，入面有大量洋葱丝，味浓但唔会辣口，反而仲有阵阵洋葱甜味；椰菜花汤好creamy，入口丝滑，而且椰菜花味极浓，饮得出椰菜花嘅精华。跟餐汤亦配左每人两片蒜蓉多士，蒜蓉味唔算好浓，但就好香脆。
餐汤 - 洋葱汤/椰菜花汤
39 浏览
0 赞好
0 留言
🥗沙律配前菜 - 沙律就系藜麦杂菜沙律，配搭嘅前菜有4个选择，包括西班牙猪腩片同焗牛油果蟹肉，另外仲可以加钱转法国鹅肝或者半打法国田螺，我地就拣左唔洗加钱个两款。
西班牙猪腩片我觉得好出色，grill得好香，腩片系带有猪皮，猪皮位入口烟韧，就连d脂肪位都唔会觉得肥腻，配埋个烧汁，好高水准；焗牛油果蟹肉就系比较清淡嘅选择，牛油果配埋蟹肉一齐焗，口感软滑，而且牛油果本身味淡，就可以食得出蟹肉嘅鲜味。
西班牙猪腩片/藜麦杂菜沙律
39 浏览
0 赞好
0 留言
焗牛油果蟹肉/藜麦杂菜沙律
29 浏览
0 赞好
0 留言
🐷🍎煎猪鞍配苹果芥末 - 呢个店员推介系餐厅招牌菜式，真系相当唔错，切落肉质非常软淋，切开仲见到淡淡粉红色，入口未去到即溶，但根本唔需要过多咀嚼，个苹果芥末酱唔会过甜，食得到苹果香，仲有微微芥末味，极之出色嘅一道煎猪鞍。
煎猪鞍配苹果芥末
$308
43 浏览
0 赞好
0 留言
煎猪鞍配苹果芥末
$308
57 浏览
1 赞好
0 留言
🐮烧牛仔膝 - 烧牛仔膝唔系炆到好腍个只质感，保留到有咬口但一d都唔韧，用左香草去腌制同烧，食到浓郁香草味，但又唔会盖过牛膝本身原有嘅牛味，个酱汁仲做到画龙点睛嘅效果，系一个唔错嘅配搭。
烧牛仔膝
$328
30 浏览
0 赞好
0 留言
烧牛仔膝
$328
27 浏览
0 赞好
0 留言
☕️🍵🥤🧋🍺🍷🥃🍹🧉🍾🍶🥛
饮品 : 餐厅饮品种类就唔算多，除左啤酒同餐酒之外，都有几款意大利咖啡选择，我地就拣左青柠梳打同西班牙特饮 Sangria，青柠梳打入口好fresh，味道好醒神开胃，西班牙特饮就有少许酒精，易入口，十分适合女士饮。
青柠梳打/西班牙特饮
19 浏览
0 赞好
0 留言
🍽环境：餐厅环境好有格调，非常有艺术气息，由门口到室内嘅装修，配埋餐厅内挂满嘅画作，都比人感觉置身法国与意大利嘅画廊咁，感觉好典雅舒服，气氛又好，坐位同台面亦都有足够嘅空间，整体感觉超正。
🤵🏻🤵🏻♀️🤵🏻♂️服务：店员服务好好，好详细介绍餐牌，感觉好专业，上菜时间亦控制得宜，每道菜上枱嘅时间衔接得好准，唔会摆到成枱野，又唔会等好耐都未有野食上枱，呢个细节位唔系间间西餐厅肯去做，所以整体感觉好加分。
💰💸价钱：佢地个Dinner Set大约$3️⃣0️⃣0️⃣左右/人，我觉得呢个价钱食到呢个级数系抵食，加埋个餐厅环境/情调/细心，真系无可挑剔。
🐲💬总结：将来大家去开九龙城，唔洗净系食泰国菜，可以多一个西餐厅选择比大家，佢仲有另外嘅不少主菜感觉都好吸引，希望之后会有机会再嚟试下。
推荐指数：❤️❤️❤️❤️❣️
张贴
