小曼谷泰國美食 (已搬遷) 新店位置

去九龙城食泰国野，实在有好多选择，但讲到有人气既，小曼谷一定系其中之一。夜晚黎食，肯定排到阿妈都唔认得，所以我选择晏昼点零钟黎，大把位，即入。肚仔饿，首先黎碟饱肚野 -- 虾膏炒饭。我最钟意重口味，呢个饭合晒我合车，粒粒饭都很有虾膏的咸香味，再加上腊肠、洋葱、青豆、鸡肉等配料，卖飞佛。跟住想食香喷喷既串烧。要左「三鸡」：鸡脾菇、鸡肉、鸡翼，烧得好香，唔会干争争，配埋惹味沙爹汁，好味！一场黎到，梗要豪少少食好西，再叫多只蒜蓉开边大头虾，虾肉鲜甜，配蒜蓉同香葱，已经好够味，正斗，食到最后一啖，先记起有碟酸辣汁，一点，醒胃，我都好like！