渡邊屋

营业中

休息中

原来九龙城除咗泰国菜之外 日本餐厅林立 之前已经试过好几间出色嘅日式料理 今次条街嘅一个角落又有细细间嘅日本餐厅叫渡边屋 ～入咗去试一试 里面嘅位置唔多 师傅会喺你面前即叫即整 好吸引😎叫咗呢间餐厅几道招牌：⭐️本鲔赤身葱吞鱼腩丼呢个见好多人介绍 所以今次都一定要试吓 一上枱卖相已经好吸引 吞拿鱼腩分量多到差唔多泻😂 而且喺个顶顶度仲有几块吞拿鱼整出嚟嘅花 里面装着一个超橙既蛋黄😍有锦上添花嘅效果 而且味道都好出色 三样嘢加埋都好夹好香 配饭一流！⭐️火灸寿司盛盒当中有三文鱼/油甘鱼/带子/左口鱼/鳗鱼/赤虾/原条海鳗 师傅喺舖头烧嘅时候 已经闻到阵阵嘅油香味 所以一上枱嘅时候都好期待 每一个都烧得好香 我个人就特别喜欢原条海鳗 佢放落口入口即溶 加埋鳗鱼汁非常浓郁 😌⭐️刺身盛盒有三文鱼/油甘鱼/真鲷甜虾/带子/海胆鱿鱼卷/䲞鱼 每一款都非常之新鲜 当中我最喜欢就系海胆鱿鱼卷 平时就比较少食到 佢系用鱿鱼卷包住海鲜 质感好唔错 而且海胆味道都好creamy 整体嚟讲呢间九龙城小店 虽然麻雀虽小 但系食物室质素好高好新鲜 而且价钱都几实惠 推介😉