泰農菜館 (已結業)

今日约左旧同学聚聚，有人提议去九龙城食泰菜，于是我们就人才济济地撘车入去食。先黎份拼盘，拼盘有四款食物，全部都金黄松脆，系热气人的首选！四款食物当中，我比较欣赏泰式虾饼。外面炸得干身，唔会油淋淋，内里够香够弹牙！另外，我们仲叫左一碟马拉盏炒通菜。除左菜够嫩之余，味道非常有镬气！另外，我们仲叫左一条泰式明炉蒸鱼，上菜时，职员会燃点铁盘下的蜡烛，令菜式更热辣辣。当D泰式酸辣汁开始滚起，就系大家起筷的时候。餐厅会另外提供泰式酸辣酱比大家点鱼食。点完个味会更丰富！我们仲叫左一份青咖哩鸡。餐厅会以煲仔上，等大家食到热辣辣，椰浆味香的咖哩。食咖哩点可以唔叫份蒜蓉包呢？呢到的蒜蓉包好香，又唔会死实。最后D男丁想叫多份炒粉，呢个香辣干炒金边粉，炒得均匀，食落够香，仲唔会太油腻。最后，我们叫左一杯凉粉冰及青柠梳打，令呢一餐变成更完美的一餐。