八方台式麵屋 (九龍城廣場)

营业中

休息中

今日喺九龙城收工，行入九龙城广场，系谂唔到食乜之际，上一层扶手电梯就见到呢间台式食店。台湾肉燥面肉燥好大粒，肉同脂肪比例适中，面底几烟韧，同个面捞埋一齐食就啱啱好。猪肉羹面线肉嘅部份好弹牙，面线偏淋，肉羹既浓稠度适中，食晒成碗面已经开始饱饱地。台式盐酥鸡外皮好薄好脆，新鲜炸出泥好够热，咬落去鸡肉嘅部份都几松软。炸猪扒刈包连埋酱汁一齐食够哂Juicy😋黑糖珍珠鲜奶黑糖嘅味道好浓郁，有少少盖过奶味，不过整体都唔错。珍珠奶茶珍珠好烟韧，几有咬口，奶茶好香滑。下次出街去开九龙城广场，再试埋肉燥饭同水饺先。