影片
更多
2022-05-19
535 浏览
小曼谷海鲜烧烤屋虽然唔系好食得辣，但久不久都会心思思想食泰国野，今日就同屋企人走入九龙城揾好嘢食！见到呢间小曼谷门面几有地道风味，仲有个人仔系咁挥手🤣听闻都几出名，一于就试下佢😋泰式鲜虾炒金边粉 每次食泰国菜必叫金边粉，上台一睇炒得几够色水，令人食欲大增～配料都几丰富，有：鲜虾、斋片、鸡蛋、芽菜、韭菜、花生碎等等。金边粉唔会炒得太干，咬落有嚼头，配搭点柠檬汁，酸甜惹味👍🏻铁板猪颈肉嘟椰菜苗 未食已经闻到好够锅气，用铁板上够晒架势，仲滋滋声😍菜同肉份量唔少，最钟意佢猪颈肉处理得有点脆边，两者都好夹，配搭埋马拉盏味道，辣度轻微，口味香浓，略嫌太重咸度，配碗白饭食就一流啦😋小食今次少少地叫咗两款小食，分别系鸡肉串烧同虾饼～前者烧得好香，炭火味出，鸡肉肉质嫩滑唔会太干，而精粹在于个沙嗲汁，好厚身又够花生味👍🏻；后者大大份，啖啖肉，虾味够，外皮又香脆，配搭酸甜酱好快食完🤪美中不足系口感略欠弹牙，但份量取胜～椰汁凉粉冰食到有啲口渴，决定拣返杯嘢饮，今次拣咗椰汁凉粉冰。送到黎大大杯，椰香味浓，又几滑，同凉粉好夹，叫咗少甜少冰味道刚好😋
虽然唔系好食得辣，但久不久都会心思思想食泰国野，今日就同屋企人走入九龙城揾好嘢食！见到呢间小曼谷门面几有地道风味，仲有个人仔系咁挥手🤣听闻都几出名，一于就试下佢😋
泰式鲜虾炒金边粉
每次食泰国菜必叫金边粉，上台一睇炒得几够色水，令人食欲大增～配料都几丰富，有：鲜虾、斋片、鸡蛋、芽菜、韭菜、花生碎等等。金边粉唔会炒得太干，咬落有嚼头，配搭点柠檬汁，酸甜惹味👍🏻
铁板猪颈肉嘟椰菜苗
未食已经闻到好够锅气，用铁板上够晒架势，仲滋滋声😍菜同肉份量唔少，最钟意佢猪颈肉处理得有点脆边，两者都好夹，配搭埋马拉盏味道，辣度轻微，口味香浓，略嫌太重咸度，配碗白饭食就一流啦😋
小食
今次少少地叫咗两款小食，分别系鸡肉串烧同虾饼～前者烧得好香，炭火味出，鸡肉肉质嫩滑唔会太干，而精粹在于个沙嗲汁，好厚身又够花生味👍🏻；后者大大份，啖啖肉，虾味够，外皮又香脆，配搭酸甜酱好快食完🤪美中不足系口感略欠弹牙，但份量取胜～
椰汁凉粉冰
食到有啲口渴，决定拣返杯嘢饮，今次拣咗椰汁凉粉冰。送到黎大大杯，椰香味浓，又几滑，同凉粉好夹，叫咗少甜少冰味道刚好😋
张贴
