小曼谷泰國美食 (已搬遷) 新店位置

九龙城不嬲都系食泰国野既好地方，今晚同好友黎到好出名既小曼谷食～～我地先叫左个泰皇咖哩炒大虾，咖哩甜甜的，有椰香味，而且够杰身，D 虾大大只又爽口， 配埋薄饼食真系大满足！！另外叫左个明炉香柠汁蒸桂花鱼，超正呀，明炉鱼热辣辣上台，汤汁仲甜甜酸酸，带少少微辣，桂花鱼肉质嫩滑，唔错，仲愈食愈开胃，佢地仲会额外上多碗汤汁，等大家可以慢慢一路食一路滚，真系好OK!临尾仲叫左个菠萝鸡肉炒饭，入面劲多鸡肉同菠萝，食落好香炒饭味，两个人食都算多。最后一人一杯野饮，龙眼茶、柚子蜜，2杯都唔会甜，好饮！