芝心糖人街 (已結業)

就咁听个名，好多人都会认为尼个吐司应该系甜食......原来系上面甜下面咸㗎 haha一切开真系不得了！隐藏喺入面个蛋黄哥就即刻涌出嚟 吐司四边烘得几脆吓，面头加咗粟米同芝士。芝士味唔算浓，不过加咗粟米丰富咗口感。上面个白色蛋白山丘打得好软绵挺身呀 轻轻焗至呈少许金黄色嘅表面，食落仲有啲烟韧咬口添。钟意个蛋白唔会好甜，即使食晒都唔觉腻。尼度最近新推出咗紫薯饼，虽然卖相平凡，但倒是令我爱不䆁口 炸到金黄色嘅外层相当脆口，一切开热腾腾嘅烟就暮出。热辣辣紫薯 馅里面加咗粒粒栗子 肉，尼个味道配搭原来相当夹 而且一碟有两件㖞，都几抵食，绝对值得试！芝士捞面，而家好多地方都有得食，不过价钱一睇亦唔便，闲闲地都$50至$60。而尼度只系卖$35咋，仲可以自选2款𩠌添，性价比高好多！有出前一丁、乌冬同螺丝粉你拣，而配料就有脆皮肠、芝士波波肠、墨鱼丸、芝士丸、汉堡扒、蟹柳、粟米粒及吞拿鱼等。芝士系用咗Mozzarella同Cheddar两款芝士，芝士味唔错，只系口感有些少粗嚡，尼点有待改善。