味龍BBQ美食坊

营业中

休息中

平时有外国朋友嚟香港玩或者放工想买啲嘢食吓，我都好钟意督番串烧卖或者鱼蛋。其实港式小食真系好味又多选择，唔知大家又对边款扫街嘢食情有独钟呢？今日我哋路过九龙城嘅味龙BBQ美食坊，本身谂住督串小食，但见到老板娘整紧串烧，烧得香喷喷，就系咁，我哋就就坐低开餐。蒸烧卖、咖哩鱼蛋作为小食店，又点少得烧卖同鱼蛋呢？鱼蛋有辣有唔辣，任君选择。鱼蛋无想像中咁辣，但就好入味。而烧卖嘅鱼蓉味好香，唔似出面有啲成粒擦胶咁。煎酿三宝非官方统计，除咗鱼蛋同烧卖，最受大家欢迎嘅仲有煎酿三宝！而煎酿三宝醯当中，又以炸鱼蛋最受欢迎，当然仲有红肠、茄子、西椒同荳腐啦！老板娘话为咗大家食得健康啲，唔用千年油，所以炸出嚟嘅煎酿三宝，炸到金黄色，好吸引。炸大肠呢度嘅炸大肠好正架！首先干净系必须嘅，而且老板娘先将大肠落镬炸，炸完再放上烧烤炉上烘，令到炸大肠唔会油淋淋，仲会特别脆添！蒜蓉烧茄子蒜蓉烧茄子绝对系味龙BBQ美食坊嘅名菜！因为老板娘嘅特调蒜蓉汁，真系好香，好入味，烧得啱啱好，好好味。串烧串烧嘅选择好多，想食咩就自己夹，而为确保海鲜新鲜，所以想食烧海鲜嘅你，就要直接同老板娘order喇。我哋分别叫咗烧鱿鱼、烧粟米、烧鸡