泰金國 (已搬遷) 新店位置

想食平靓正既泰国菜，第一时间就谂起去九龙城食﹗不过九龙城真系有平有贵，花多眼乱﹗今次黎到泰金国，第一次系朋友介绍，点知第二次同另一个朋友讲起，佢都正想介绍﹗所以大家又一齐去左泰金国﹗因为冇得订位，所以如果星期五7-8点食饭时间系会排长龙﹗要预早少少排，就唔洗饿亲﹗不过我地今次早，星期一食730，就少人好多，齐人就入得﹗ 两个人少少叫左：1个生菜包、1个烧猪劲肉、马拉盏炒椰菜苗、葡萄沙冰同青柠沙冰。认真，每一样都好好味，味道刚刚好唔会太咸，而且都系热辣辣捧出黎，份量仲唔少生菜爽口，猪肉小辣，粒粒洋葱既口感加埋配料，超级开胃。烧猪颈肉肥瘦适中，条条都切得够薄，好易放入口，配埋个酱汁一流﹗听讲佢地沙冰出色，所以一试，又真系唔系一般汤水沬，水果味好出﹗仲见到少少打碎左既提子皮，超正﹗