小肥雞 (已結業)

原本约左朋友出九龙城食泰国野，点知星期六满座，出面又热唔想等位，于是系附近就比我发现左呢间鸡煲，间野岩岩开张所以唔洗等位就有得食，lucky间野有d两人卡位座，有部独立电视，睇落去好正，最衰已有人坐紧。讲返d食物，试左店员推介ge小肥鸡煲(中辣)，我觉得个鸡煲好好食，d鸡好入味，我最怕出面食个d得个鸡皮有味，d肉就淡到白灼咁。食鸡煲个时记得要点埋佢地支竹蔗水，好饮，不过漏左影相。食完鸡煲打边炉，佢地新开张做紧$1有碟本地手切肥牛，都唔算小，但一碟又点够啊，立即order多碟大ge，呢间野有几样火炉料系必试ge，麻吉烧，手打牛肉丸同炸响铃(新鲜炸，整到细细件一啖一件)，其他都系平时打边炉个d，d料都算新鲜，间野仲有得食串烧，不过个肚己full，下次先试啦。