影片
更多
2024-03-25
1104 浏览
男朋友广州亲戚嚟香港玩几日，其中一日就嚟咗呢间舖头食晚饭。成个环境系干净企理，场地都十分之大，坐得都几舒服。我哋八个人，叫咗大概11道𩠌。第一道系泰式凤爪佢味道唔似平时啲凤爪咁有酸甜嘅感觉，系偏向酸辣白醋味𠮶只酸，同埋个辣味都比平时街边食𠮶啲凤爪辣。好味指数：👍👍👍第二道𩠌系酥炸软壳蟹呢度送非常之酥脆，一上枱，无论大人细路都好快食晒，我哋仲叫多咗一碟。外皮酥脆，里面嫩滑。好味指数：👍👍👍👍👍第三道菜系马拉盏炒通菜冇平时食开啲马拉盏通菜咁浓味，同埋份量比较少，就当普通叫个炒通菜食。好味指数：👍👍👍第四道菜系海南鸡饭鸡整得很嫩滑，成枱人都觉得好食，又系一个好快清晒嘅𩠌，鸡整得唔会感觉好油腻，同埋鸡肉系滑得黎熟嘅，平时出去系好易唔熟。好味指数：👍👍👍👍👍第五度𩠌系泰式小食拼盘12件好适合一家人一围枱叫一碟，样样都有啲，虾片好脆口，整体都唔错。好味指数：👍👍👍👍第六道𩠌系大虾阴功汤食泰国𩠌必须要一试冬阴功汤，一试便知道间舖系咪泰国人帮手打理。试完结果话我知：普普通通，一一般般正正常常。好味指数：👍👍👍+0.5第七度𩠌系佢哋泰式烧猪颈肉猪颈肉唔会好干身，都比较Juicy搽咗蜜糖，所以识落嘅感觉都
成个环境系干净企理，场地都十分之大，坐得都几舒服。
我哋八个人，叫咗大概11道𩠌。
第一道系泰式凤爪
佢味道唔似平时啲凤爪咁有酸甜嘅感觉，系偏向酸辣白醋味𠮶只酸，同埋个辣味都比平时街边食𠮶啲凤爪辣。
好味指数：👍👍👍
第二道𩠌系酥炸软壳蟹
呢度送非常之酥脆，一上枱，无论大人细路都好快食晒，我哋仲叫多咗一碟。外皮酥脆，里面嫩滑。
好味指数：👍👍👍👍👍
第三道菜系马拉盏炒通菜
冇平时食开啲马拉盏通菜咁浓味，同埋份量比较少，就当普通叫个炒通菜食。
好味指数：👍👍👍
第四道菜系海南鸡饭
鸡整得很嫩滑，成枱人都觉得好食，又系一个好快清晒嘅𩠌，鸡整得唔会感觉好油腻，同埋鸡肉系滑得黎熟嘅，平时出去系好易唔熟。
好味指数：👍👍👍👍👍
第五度𩠌系泰式小食拼盘12件
好适合一家人一围枱叫一碟，样样都有啲，虾片好脆口，整体都唔错。
好味指数：👍👍👍👍
第六道𩠌系大虾阴功汤
食泰国𩠌必须要一试冬阴功汤，一试便知道间舖系咪泰国人帮手打理。试完结果话我知：普普通通，一一般般正正常常。
好味指数：👍👍👍+0.5
第七度𩠌系佢哋泰式烧猪颈肉
猪颈肉唔会好干身，都比较Juicy搽咗蜜糖，所以识落嘅感觉都有少少似食咁蜜汁叉烧，又系一个大人小朋友都比较喜欢食嘅菜式。
好味指数：👍👍👍👍+0.5
第八道𩠌系泰式牛肉炒粉丝
整体味道系倾向先甜同酸，个感觉味道都比较一般，都唔算炒得特别香。牛肉都处理得比较干身有少少似迷你牛肉干。我个人觉得比较一般，但系大陆啲亲戚就觉得几好食。
好味指数：👍👍
第九道菜系泰式咖喱蟹
咖喱汁捞鸡油饭，好好味，令其咖喱味好突出。食蟹系比较论尽，但系佢啲蟹好有个鲜味喺度，都非常之唔错，可以一试。
好味指数：👍👍👍👍+0.5
第10道菜系泰式串烧鸡牛肉
串烧一啲都唔干身，沙嗲汁都几好食嘅，食开泰国菜又钟意食串烧嘅朋友，呢度数都唔系伏😂
好味指数：👍👍👍+0.5
整体评论：地方比较大，坐得都比较舒服，但系同样价钱都比较贵嘅，八个人共食咗$3300落楼，如果招呼或者礼待顾客或者亲戚系可以试吓呢一间。虽然唔系我觉得最好食嘅泰国菜餐厅，通常真系泰国人开嘅泰式餐厅系比较小型嘅，所以都坐得冇咁舒服，如果多人得来又想坐得舒舒服服，依家都可以一试，当然价钱就都比较贵的。
色：👍👍👍👍👍
香：👍👍👍
味：👍👍👍👍
CP值：👍👍👍
环境及干净度：👍👍👍👍
张贴
