泰象館

营业中

休息中

每隔一排就想食泰国嘢，但我地次次都系去泰象馆，因为佢性价比高得黎啲staff仲好nice🫡两丁友眼阔肚窄唔嗌得几多样𩠌🥲如果一大班人黎就可以试多几款🥹冬阴公海鲜汤：味道正宗，有微微椰香味，配料好够，海鲜足料又新鲜，两个人饮岩岩好蛋包鲜虾金边粉：卖相真系一流，份量十足，金边粉炒得刚刚好，唔会过湿，虾够爽口弹牙，加埋新鲜青柠，酸酸甜甜好惹味青咖喱牛肉：平时咖喱多数都配鸡，但今次试咗牛肉后好有惊喜！😯滑牛原来同咖喱好夹，牛肉爽滑，咖喱大大份，我哋仲叫埋薄饼去点咖喱，真系好邪恶🤤最后仲加多个白饭送咖喱，更正更好食🤭马拉盏炒通菜：次次食都必叫！通菜鲜嫩，马拉盏香口带微辣，同样都系大大份，抵食！食咁多嘢，两个人埋单都系三百几蚊，晚市真系好抵食，下次会再试其他菜式！