影片
更多
2023-12-17
18 浏览
Weekend去咗九龙城，都知呢区多好嘢食，拣咗好耐最后决定食呢间日式居酒屋😆餐厅的装修好有日式风情，又不停播住日文歌，感觉好似去咗日本咁🥰见到佢的定食好似好吸引，所以就点咗两款一齐开心share🤣超级厚滑蛋吉列猪扒丼 $108好难得见到咁厚切的吉列猪扒，应该有一寸厚，上枱时都哗咗一声。猪扒肉质厚实，肉味浓郁，炸皮酥脆，食落好满足😌猪扒底下有椰菜丝同蛋丝，感觉中和返猪扒的油腻。滑蛋系分开另上，滑蛋有好香浓的酱汁味道，送饭一流，洋葱同菇菇都煮得好香。猪扒同滑蛋mix埋都好正，猪扒变得更松软，更juicy，味道同口感都变得更丰富。超级天妇罗吉列虾丼 $128只虾好大只，仲要有五只咁多，单系卖相都已经好吸引🤩虾肉食落弹牙，天妇罗面衣都好香口，食得好快乐😆除咗虾，仲有紫苏叶同紫菜的天妇罗。我都系第一次食紫苏叶天妇罗，食落唔会好干，味道好香，食落都几清爽。紫菜好香脆，就咁食都好好食。天妇罗底下有一层粉红色天妇罗碎面衣，粉红色睇落劲吸引😍食落好香脆，捞埋饭食口感都特别，唔错👍🏻定食有跟沙律，前菜同味噌汤，午市点仲有埋汽水。沙律落咗芝麻酱，中规中矩，正常发挥啦。前菜系八爪鱼软骨，呢款要赞，好好味😋八
Weekend去咗九龙城，都知呢区多好嘢食，拣咗好耐最后决定食呢间日式居酒屋😆餐厅的装修好有日式风情，又不停播住日文歌，感觉好似去咗日本咁🥰
见到佢的定食好似好吸引，所以就点咗两款一齐开心share🤣
超级厚滑蛋吉列猪扒丼 $108
好难得见到咁厚切的吉列猪扒，应该有一寸厚，上枱时都哗咗一声。猪扒肉质厚实，肉味浓郁，炸皮酥脆，食落好满足😌猪扒底下有椰菜丝同蛋丝，感觉中和返猪扒的油腻。
滑蛋系分开另上，滑蛋有好香浓的酱汁味道，送饭一流，洋葱同菇菇都煮得好香。猪扒同滑蛋mix埋都好正，猪扒变得更松软，更juicy，味道同口感都变得更丰富。
超级天妇罗吉列虾丼 $128
只虾好大只，仲要有五只咁多，单系卖相都已经好吸引🤩虾肉食落弹牙，天妇罗面衣都好香口，食得好快乐😆除咗虾，仲有紫苏叶同紫菜的天妇罗。我都系第一次食紫苏叶天妇罗，食落唔会好干，味道好香，食落都几清爽。紫菜好香脆，就咁食都好好食。
天妇罗底下有一层粉红色天妇罗碎面衣，粉红色睇落劲吸引😍食落好香脆，捞埋饭食口感都特别，唔错👍🏻
定食有跟沙律，前菜同味噌汤，午市点仲有埋汽水。
沙律落咗芝麻酱，中规中矩，正常发挥啦。
前菜系八爪鱼软骨，呢款要赞，好好味😋八爪鱼软骨口感非常爽脆，透明的位睇落晶莹通透，感觉好新鲜，味道有食到微微的醋酸味，应该系醋渍，食落好清爽好开胃。
味噌汤竟然有两只蛤同两只虾，好足料呀！虾食落爽口弹牙，蛤都好饱满结实，仲有好多豆腐粒，正呀😍
本来叫两个定食都好够，但佢其他菜式实在太吸引，又忍唔住再点😆
北海道海胆手卷 $108
一见到海胆就忍唔住要叫😏海胆味道真系好鲜味，好浓郁，口感又软又滑，再配埋青瓜，海胆味道更鲜更突出，真系味蕾大满足😌
铁板豆腐 $58
呢款豆腐要好小心慢慢食，因为豆腐热辣辣，我都差d烫到脷🤣豆腐外脆内软，仲淋满酱汁，加埋葱花，味道好浓郁好好食🥰
鸡颈肉 $22
猪颈肉食得多，鸡颈肉都系第一次食，味道都真系唔错，食到好香的油脂味，口感够哂弹牙，如果唔系太饱我都会想翻兜再叫多一串🤣
牛舌 $64
一摆入口就食到好香的黑椒味，口感都几爽口弹牙，唔会好硬，都好易咬开，唔错。
明太子莲藕 $22
未食过烧莲藕，咁就点一串试吓。莲藕非常爽脆，食落嗦嗦声，但又唔会好硬，明太子有少少辣，但好惹味，同莲藕都几夹㖞。
田乐茄子 $22
茄子吸收哂酱汁的味道，食落甜甜哋，口感又腍又滑，好食。
黑糖菠萝 $18
最后点份菠萝当做甜品，食落非常香甜，好juicy好多汁，焦糖位烧得又香又脆，呢份菠萝真系必食之选😍
上户酒场 (九龙城)
九龙城龙岗道33-39号龙翔阁地下A号舖
*上述文章只供参考及以当时价格为准
张贴
