皇室甜品 (城南道)

营业中

休息中

九龙城嘅美食真系食极都食唔晒。平均一个月去一次。今日又去行街食野。食完点心同泰菜之后就周围逛逛。去完街市买巨峰同交荀之后，又觉好攰。于是就行咗几条街黎皇室食甜品同抖抖。我都系食士多啤梨黑马王子，因为上次食过好食。阿妈就食热芝麻糊炖奶，阿爸就要火龙果凉粉。士多啤梨黑马王子卖相好吸引，面头铺满切半嘅strawberry。粒粒都好大。中间有琉璃珠、黑珍珠同珍珠，底层系士多啤梨沙冰。沙冰好冰凉，不过今次d沙冰多咗阵榴梿味，唔知系咪个blender 之前搅过榴梿，好在我都ok接受得到阵榴梿味。火龙果凉粉我自己就觉得呢个combination好怪，不过阿爸系凉粉精，佢又觉得好味。火龙果切得好大粒，我估味道都应该不错，因为阿爸净系顾住食，无出过声。热芝麻糊炖奶呢个就唔好食，阿妈话炖奶唔够奶味，芝麻糊又唔够味又唔够幼细。环境都几舒服，因为人不多，也可以坐耐一点。