影片
更多
2022-11-27
261 浏览
放工同旧同学重回九龙城食饭，呢度新旧食肆云集，我哋想食西餐🍽，就拣咗门面几清新嘅木系Cafe🌿「Hosea」。店内环境同样舒服，店员服务态度非常好，有礼貌，抵赞👍。烧法国春鸡配新薯($198)，🍗烧春鸡有半只，尚算肥美，几好肉。鸡皮烧至香脆唔肥腻，而鸡肉肉质亦唔嚡。酱汁估计系红酒汁🍷，几惹味。菜式摆盘精美，特别系烧杂菜部份，由唔同蔬菜组成，包括新薯、紫薯、翠玉瓜、车厘茄同红萝卜等。🥔薯仔外脆内软，红萝卜则超级甜。辣蒜蚬肉白酒汁扁意粉($178)，🍝意粉煮得够干爽弹牙，估唔到辣蒜白酒汁嘅辣度都几明显，不过如果有需要，可向店员要求少辣🌶。蚬肉有成八大只，而且仲系蝴蝶蚌，味道鲜甜。晚市嗌主菜可加$30跟套餐，包汤或沙律同饮品。🥗烟三文鱼沙律有大大片烟三文鱼，而沙律菜就新鲜爽脆。是日餐汤系蘑菇忌廉汤，汤品真材实料，🍄用大量磨菇打成，味道浓郁，口感丰富。饮品方面，我哋要咗西柚冰茶同荔枝冰茶，两杯都好饮🍵，味道清淡自然，甜度适中。荔枝𠮶杯有惊喜，因为唔系一贯好假嘅人工糖浆味。总括嚟讲，呢间Cafe各方面都几平均，系价钱稍为偏高一啲，但有机会都想试埋佢嘅甜品😊。留意返，餐厅平日晚上比较早关门，要预时
放工同旧同学重回九龙城食饭，呢度新旧食肆云集，我哋想食西餐🍽，就拣咗门面几清新嘅木系Cafe🌿「Hosea」。店内环境同样舒服，店员服务态度非常好，有礼貌，抵赞👍。
烧法国春鸡配新薯($198)，🍗烧春鸡有半只，尚算肥美，几好肉。鸡皮烧至香脆唔肥腻，而鸡肉肉质亦唔嚡。酱汁估计系红酒汁🍷，几惹味。菜式摆盘精美，特别系烧杂菜部份，由唔同蔬菜组成，包括新薯、紫薯、翠玉瓜、车厘茄同红萝卜等。🥔薯仔外脆内软，红萝卜则超级甜。
辣蒜蚬肉白酒汁扁意粉($178)，🍝意粉煮得够干爽弹牙，估唔到辣蒜白酒汁嘅辣度都几明显，不过如果有需要，可向店员要求少辣🌶。蚬肉有成八大只，而且仲系蝴蝶蚌，味道鲜甜。
晚市嗌主菜可加$30跟套餐，包汤或沙律同饮品。🥗烟三文鱼沙律有大大片烟三文鱼，而沙律菜就新鲜爽脆。
是日餐汤系蘑菇忌廉汤，汤品真材实料，🍄用大量磨菇打成，味道浓郁，口感丰富。
饮品方面，我哋要咗西柚冰茶同荔枝冰茶，两杯都好饮🍵，味道清淡自然，甜度适中。荔枝𠮶杯有惊喜，因为唔系一贯好假嘅人工糖浆味。
总括嚟讲，呢间Cafe各方面都几平均，系价钱稍为偏高一啲，但有机会都想试埋佢嘅甜品😊。留意返，餐厅平日晚上比较早关门，要预时间啊。
张贴
