手作鮮芋站 (已結業)

今日去开九龙城街市买𩠌，见到有间标榜每日新鲜手工制作芋泥同芋圆嘅甜品舖叫「手作鲜芋站 」，决定试一试。我嗌咗招牌嘅手作芋泥芋圆鲜奶、芋泥Oreo吐司同椰汁桃胶西米捞。芋泥芋圆鲜奶唔会太甜，每日新鲜制造嘅芋圆烟靭有咬口，食得出唔系整完放咗好耐嘅硬口感，芋泥蓉都唔会太多太济；芋泥配Oreo嘅配撘都几新奇，用面包夹住嚟食都几饱肚，而且味道唔太甜；西米捞嘅材料有三色芋圆、椰汁、西米同桃胶，三色芋圆系由番薯、紫薯同芋头混合木薯粉制作而成，口感非常弹牙，西米粒亦都煮到粒粒分明，配上而家流行而营养价值又高嘅桃胶，加上浓郁嘅椰汁，食完碗糖水非常满足！📍九龙城贾柄达道113号地下17号舖位置就脚：🍊🍊🍊🍊餐厅环境：🍊🍊🍊🍊食物味道：🍊🍊🍊🍊整体CP值：🍊🍊🍊🍊🍊