影片
更多
2023-08-10
18 浏览
上户酒场📍九龙城龙岗道33-39号龙翔阁地下A号舖好耐之前就食过呢到嘅午餐，印象不错，最近同一位由日本翻嚟，好耐冇见嘅朋友见返，于是就带佢去呢到，俾佢呢个半日本人嚟品尝下呢间居酒屋正唔正宗🤣🧡食物🥬 前菜——热沾酱 $32呢个前菜几特别，叫热沾酱，将几种蔬菜：白萝卜、红萝卜、青瓜切条，然后蘸啲一直用蜡烛加热嘅酱，系用沙甸鱼and多春鱼mix埋而成嘅浓稠酱汁，咸香感十足，而蔬菜清甜爽脆到不得了，两个九唔搭八嘅味觉同口感mix埋一齐居然一啲都唔违和，作为前菜打开晒我嘅味蕾，令我对接下嚟嘅食物期待不已😋🐟 池鱼刺身 $428接下嚟呢个重头戏啦，虽然上次食过但依旧好想encore，出品依旧新鲜，鱼肉薄身几近透光，紧实而有口感，油香肥美，配上酸汁𠮶味道啱啱好，清新不腻，旁边配埋啲辣萝卜蓉，可以俾你自己调教酱汁味道，我个人嚟讲十分钟意呢个刺身！食完之后啲鱼骨攞咗去炸，椒盐嘅味道好适合送酒慢慢食～🦪 令和怪物生蚝 $256我哋嗌嘅时候仲笑称会有几怪物，结果真系都几夸张，成只手板咁大！一上枱我哋就双眼放光地攞起柠檬开始唧，入口嘅瞬间feel到成个系极滑，就咁sir咗入口，咬开嘅瞬间鲜甜嘅味道、淡淡嘅海
📍九龙城龙岗道33-39号龙翔阁地下A号舖
好耐之前就食过呢到嘅午餐，印象不错，最近同一位由日本翻嚟，好耐冇见嘅朋友见返，于是就带佢去呢到，俾佢呢个半日本人嚟品尝下呢间居酒屋正唔正宗🤣
🧡食物
🥬 前菜——热沾酱 $32
呢个前菜几特别，叫热沾酱，将几种蔬菜：白萝卜、红萝卜、青瓜切条，然后蘸啲一直用蜡烛加热嘅酱，系用沙甸鱼and多春鱼mix埋而成嘅浓稠酱汁，咸香感十足，而蔬菜清甜爽脆到不得了，两个九唔搭八嘅味觉同口感mix埋一齐居然一啲都唔违和，作为前菜打开晒我嘅味蕾，令我对接下嚟嘅食物期待不已😋
🐟 池鱼刺身 $428
接下嚟呢个重头戏啦，虽然上次食过但依旧好想encore，出品依旧新鲜，鱼肉薄身几近透光，紧实而有口感，油香肥美，配上酸汁𠮶味道啱啱好，清新不腻，旁边配埋啲辣萝卜蓉，可以俾你自己调教酱汁味道，我个人嚟讲十分钟意呢个刺身！食完之后啲鱼骨攞咗去炸，椒盐嘅味道好适合送酒慢慢食～
🦪 令和怪物生蚝 $256
我哋嗌嘅时候仲笑称会有几怪物，结果真系都几夸张，成只手板咁大！一上枱我哋就双眼放光地攞起柠檬开始唧，入口嘅瞬间feel到成个系极滑，就咁sir咗入口，咬开嘅瞬间鲜甜嘅味道、淡淡嘅海水味流淌而出，好鲜嫩好顺滑，我平时不太食蚝嘅人都有啲回味无穷，我frd形容系一阵好澎湃嘅海浪，几贴切🤣
🐔 牛油杂菌赤鸡肝 $78
呢个我觉得几适合送酒，几香嘅牛油味，令到啲菇都有啲奶香味，鸡肝好嫩好粉，但系我frd就不太食得惯较生嘅内脏，如果大家想试又惊太生嘅话可以请店员炒熟啲～
🐮 鹿儿岛A4和牛烧 $588
经过呢次之后我决定A4系我最钟意嘅和牛等级，既不会好似A5或以上咁，一入口就化成一滩油水，虽然好好食但好腻；亦唔会好似A3或以下咁，虽然好重肉香但唔够油脂感😇呢到嘅和牛系片状嘅，好平均嘅焦化层，好香好香，享受到油脂并发嘅感觉又有肉嘅口感，极佳！酱汁偏酸甜，食到有啲腻嘅时候可以中和下，一开始可以食多几旧感受肉香先～
🥓 伊比利亚豚肉锅 $228
调味系好典型嘅日式锅物，好鲜甜，配料都几丰富，有菜、菇、豆腐、豚肉，肉睇落好瘦，但系意外地几嫩，好香，最令人意外嘅系豆腐，煮左好耐都系好嫩，但入晒味，建议最后先食～
🍡 烟熏秋葵（两串）$36 & 烟熏一口蕃薯（两串）$36
最后我哋发现啤酒未饮晒，又想坐耐啲倾吓偈，就嗌左两个烟熏串烧嚟试吓，打开盖一股浓烟冲上嚟，底下仲有啲炭嘅余烬，几香，烟熏味几浓郁，尤其推荐番薯，细细粒好甜，一啖啤酒一粒番薯超叹～
🍺 Suntory生啤 $68
🍶 柚子烧酎 $68
我有啲后悔嗌左生啤，虽然系几爽嘅，但太多气搞到好饱🤣朋友𠮶杯sake几正，一入口系酒味，之后被柚子蜜嘅味道取代咗，几好饮～
张贴
