Mild

营业中

休息中

宋皇台站开咗之后，越嚟越多人发现九龙城有好多好嘢食，但新发现呢间联合道嘅cafe bar，就连我呢个原居民都系第一次去！夏天突然杀到，我同朋友每人嗌咗杯Shakerato，凉浸浸少少甜，系既消暑又提神嘅咖啡饮品。我同朋友叫咗黑松露薯条配松露蛋黄汁做前菜，上菜时热辣辣，明显新鲜炸起，cafe用咗有薯仔皮果种粗薯条，好配合加咗黑松露嘅蛋黄酱，每啖都会闻到浓浓嘅黑松露香，食落就好重薯仔同蛋香味。我叫咗大啡菇松露忌廉扁意粉配温泉蛋，原来cafe用咗日本鸡蛋，唔怪得知蛋黄零舍深色零舍香，同忌廉汁亦好配合。叉开只蛋捞埋一齐食令意粉更加creamy，食完意粉连汁都唔想放过朋友叫咗橄榄油辣椒蒜片扁意粉配虎虾，辣辣地好入味，蒜片好香，系呢种天气好开胃，虎虾又大又弹牙。去嘅时候时间有啲早，如果唔系都想试下佢啲cocktail menu。