影片
更多
2022-10-27
183 浏览
📍火锅头单点火锅要揾到一间高质素嘅一啲都唔容易，身为火锅狂人嘅我，今次就喺九龙城揾到一间推荐俾大家🤓今次汤底我哋拣咗香甜椰子鸡汤（$188），入面仲会配埋半只三黄鸡，鸡肉几嫩几新鲜，一啲都唔失礼～汤底好鲜甜，有种妈妈屋企煲椰子鸡汤嘅感觉🥰配料方面我哋叫咗手切牛肉特盛（$438），招牌手打黑松露墨鱼滑（$88），娃娃菜（$38），豆腐造的纸（$32）同埋招牌鲜炸金响铃（$58）。今次主要想讲吓牛肉特盛，入面有安格斯牛小排，雪花牛立方，牛胸爽，手切本地牛肉同埋手切本地牛舌。其实份量都几多，我觉得都够三个人食，店员会介绍食牛嘅次序，确保由淡味食到浓味～另外豆腐纸好过瘾，其实都几推介大家试吓，就咁放落汤底几秒拎起食，估唔到咁鲜甜！第一次试呢一种配料，好惊喜！另外佢嘅响铃都系超级好食，因为新鲜热辣🤪加埋每位$18酱油费同加一，两个人大概$1000松啲埋单，高质火锅黎讲我觉得非常可以🫶🏻
单点火锅要揾到一间高质素嘅一啲都唔容易，身为火锅狂人嘅我，今次就喺九龙城揾到一间推荐俾大家🤓
今次汤底我哋拣咗香甜椰子鸡汤（$188），入面仲会配埋半只三黄鸡，鸡肉几嫩几新鲜，一啲都唔失礼～汤底好鲜甜，有种妈妈屋企煲椰子鸡汤嘅感觉🥰
配料方面我哋叫咗手切牛肉特盛（$438），招牌手打黑松露墨鱼滑（$88），娃娃菜（$38），豆腐造的纸（$32）同埋招牌鲜炸金响铃（$58）。
今次主要想讲吓牛肉特盛，入面有安格斯牛小排，雪花牛立方，牛胸爽，手切本地牛肉同埋手切本地牛舌。其实份量都几多，我觉得都够三个人食，店员会介绍食牛嘅次序，确保由淡味食到浓味～
另外豆腐纸好过瘾，其实都几推介大家试吓，就咁放落汤底几秒拎起食，估唔到咁鲜甜！第一次试呢一种配料，好惊喜！另外佢嘅响铃都系超级好食，因为新鲜热辣🤪
加埋每位$18酱油费同加一，两个人大概$1000松啲埋单，高质火锅黎讲我觉得非常可以🫶🏻
张贴
