上戶酒場 (已結業)

💛前菜前菜有红萝卜，梨同青瓜条，𠮶酱嘅原材料系沙甸鱼同多春鱼嘅，一啲唔会腥，几惹味。💛伊佐木刺身鱼肉质感系偏向烟靭，佢唔似三文鱼𠮶种好重油脂嘅感觉，而系偏向清爽嘅感觉。有两个汁可以配，萝卜蓉柚子醋同芥末豉油，我比较钟意芥末豉油多啲，感觉层次丰富咗，味道重咗。而食完刺身之后，店员会帮我哋将鱼骨做汤，个汤都好清甜，好好饮。💛黑松露带子手卷个手卷劲大份，而且黑松露同带子都比得唔手软，带子有三大嚿，好鲜甜，黑松露完全唔会抢走海鲜嘅鲜味，两者配合得啱啱好。💛 明太子奄列 樱花虾炸豆腐首先明太子奄列火候控制得啱啱好，有少少半流心嘅感觉，明太子嘅份量都好足够，加埋啲柴鱼食，唔会太咸，味道好清新。炸豆腐都外脆内软，咬落去豆腐好似识流走咁，但出边仲好脆口。💛串烧 烧物有鸡翼，黑豚五花腩，鳗鱼肝，田乐茄子，秋葵，白鳝，烧手握饭团。最令我感到惊喜嘅就系黑豚五花腩同埋鳗鱼肝。首先黑豚五花腩烧得啱啱好，咬落去可以做到好似牛肉咁松软，调味都唔会太浓味，食完一串好想继续食。鳗鱼肝系偏向重口嘅串烧，好香口，佢个酱系甜甜咸咸咁，所以都唔会觉得太heavy。💛桃酒好啱女仔饮嘅酒，甜得来又有少少酒味，同韩式米酒有啲似。