入魂鐵板燒

营业中

休息中

大家听到九龙城，只联想到泰国菜，其实我已经系呢度食过日本菜、pizza、cafe。今日系呢度发现到一间超正嘅铁板烧Omakaze，由经验丰富的铁板烧师傅主理，价钱亲民、仲有一个大鱼缸养殖新鲜海鲜，而且装修风格富现代感、环境优雅、座位舒适。[ 人魂套餐二人前 ] $680⇛ 南非鲍鱼 ～ 超级吸睛，活生生嘅南非鲍鱼由鱼缸捞出，超级新鲜爽口，好吃弹牙。⇛ 🦐大虎虾 ～ 手掌咁大嘅虎虾，啖啖肉，大大嘅虾头好鲜味。⇛ 🦪日本广岛蚝 ～ 煎到香脆嘅广岛蚝，洒上烟肉、葱花、酱汁，唇齿留香。⇛ 🍶清酒煮蚬 ～ 锡纸兜上放入水、清酒，再点火，火熄之后加入啲沙白，连酒都可以饮，好鲜甜。⇛ 🐖日本黑豚肉薄饼 ～ 薄切黑豚炒入青葱红葱头，加上酱汁，外面用上春卷皮卷住，超级美味。附上面包吸油，好体贴。⇛ 🐂美国牛肉薄烧 ～ 可以选择熟度，薄切美国牛肉包上葱蒜，味道一流。附上面包吸油，好细心。套餐附：⇛ 沙律⇛ 炒菜 ～ 菇、椰菜、芽菜⇛ 炒饭 ～ 足料樱花虾炒饭，红萝卜、洋葱、烟肉、樱花虾、鸡蛋、青葱，全部都好多，成碗食哂，好正。⇛ 味噌汤 ～豆腐海带面豉汤⇛ 渍物 ～ 牛蒡、萝卜⇛ 甜品 ～ 🍞焦糖吐司👍🏻