八方台式麵屋 (九龍城廣場)

营业中

休息中

今日过来九龙城订蛋糕，订完蛋糕嚟到九龙城广场食个简单晚餐。呢间台湾餐厅环境干净整洁，而且有几多好评，所以试一试。呢度系自助形式order点餐，点完餐就入去揾位坐，唔需要加一。我哋点左两个dinner set , 酸辣面加原味锅贴，另一个就点左卤肉饭加香酥猪扒。饮品就试左冷泡桂花乌龙茶和黑糖珍珠鲜奶。卤肉饭做得唔错，油香味十足，肉粒带有焦糖色，肥瘦均称，口味唔会太咸，有点甜甜嘅卤水味和花椒八角嘅香味。炸猪扒新鲜炸起，咬落脆卜卜，而且唔会成口粉，肉质软淋，唔会鞋口。酸辣汤面，材料好丰富，有肉丝，冬菇丝，金菇，木耳，甘笋，豆腐，笋等等，酸酸地唔太辣，可以拣新竹米粉或者面。个人觉得配新竹米粉又几好，因为新竹米粉质地比较幼细 ，可以吸到酸辣汤嘅味道。本来想试吓韭菜味嘅锅贴，不过已经卖晒，原味锅贴都唔错，煎到金黄色脆卜卜，锅贴皮亦够薄。桂花乌龙茶冷泡茶，系一款唔甜嘅茶，饮落桂花味好香同好清新，黑糖珍珠鲜奶，啲珍珠仲暖暖地，QQ 软绵绵 ，牛奶香醇，味道可以媲美珍珠奶茶店。