笑.甜甜 (已結業)

早轮响fb见d人狂po只太阳蛋，话系份子甜品，无几耐新假期都出埋！见佢几得意咁，果日出开九龙城咪试吓。间野叫「笑甜甜」，响南角道，我地一行4人，嗌左4样野share: 早晨全餐就系果个份子太阳蛋、拉面蛋糕、情迷焦糖、同心太软。个太阳蛋一出，我地全部忍唔住嗌左出黎！真系真嘅一样，好鬼马！个蛋黄一切落去竟然会爆酱，系芒果汁！个蛋白就系意式奶冻，一酸一甜配得几好味。佢地另一个鬼马甜品系拉面蛋糕，梗系要试啦。一样做到超似！拉面其实系栗子蛋糕，下面仲有层吉士，个汤系柠茶冻，仲有三粒泡芙扮章鱼小丸子。做型非常抵死，不过味道偏甜，好在有个柠茶冻中和吓。。惊佢地净系得个样，点知另外个窝夫同心太软都好稳阵！ 窝夫外脆内软，好香蛋味！心太软呢，好食过好多餐厅，衰在太细，如果大件d仲正！今次冇中计！会再返黎试吓其他野。