黃珍珍泰國菜館

营业中

休息中

小泰国九龙城泰菜云集就人人皆知，但好多质素参差，价格亦都有好大差距。今次介绍呢间老字号对比同区其他泰国餐厅，算系相对贵价嘅，但喺环境同食物上我就觉得物有所值，最起码呢度干净企理，地板同埋门面都唔会油淋淋，餐厅有两层，上菜速度几快，服务态度中上，用料均真啲🙌🏻🦐 生虾刺身我朋友最钟意食生虾，几乎食亲泰国菜嘅佢都会嗌，即刻觉得有比较😆 虽然呢间比出边坊间嘅贵少少，但真系食得出每只鲜虾都好fresh，爽口又大只，中间有干冰衬托，成个层次出晒嚟👍🏻 好值得试😋酸辣脱骨凤爪呢碟无骨凤爪相对地失色，酸辣味唔平均，辣味有啲太出，味道麻麻，虽然食得出去落足料，好多沙律菜，但凤爪腌得唔够，成碟色水一般。椰汁青咖喱羊腩 配法包🥖唔钟意食咖喱嘅我，都会觉得呢碟嘢系全晚精髓，佢个青咖喱香香甜甜，椰香味十足，加上佢个羊腩炆得好适中，既有咬口又够淋，咖喱同羊腩做到混和一体，简直系一绝😋好彩我哋嗌咗个脆口干身法包，沾少少青咖喱，味道一流。泰式炒粉呢间有好多唔同形式嘅炒粉面饭，最特别嘅系大部分粉面就可以俾我哋选择以猪、牛或虾作用料，餐厅非常细心，碟碟都系即炒出嚟，够囇镬气，而我哋就嗌咗佢嘅招牌炒粉（只可配虾），大大碟