城寨風味

营业中

休息中

呢排全民九龙城寨，经过九龙城就试下城寨风味。2人世界龙虾餐澳州龙虾：中式做法，永远唔会输。蒜蓉清蒸，加粉丝底。龙虾够晒大只，有唔小蒜蓉，一攞上枱已经闻到劲香蒜蓉味。龙虾新鲜爽口，又啖啖肉，粉丝底唔会落好多豉油，粉丝索晒d龙虾精华加埋蒜蓉一齐食，绝。金汤浓情燕窝羹：本身有得拣趐既，不过拣左燕窝黎试下，燕窝量都唔小，加埋个汤底够浓。拔丝咕噜肉：咕噜肉真系有拔丝效果，酸甜度啱啱好，唔会太甜太酸。配菜d椒，洋葱，凰梨好食。樱花虾蒸菜心：菜心新鲜爽脆，面上有樱花虾，调一调味。香煎海斑扒：块扒就厚肉无骨，啖啖肉，唔会太多调味。装修中国风，坐得舒服，干净企理。侍应又够主动帮手，食物系一份份咁上，食完收碟又够快。