南園餐廳

营业中

休息中

前几日去完乐园，结果极之失望，但就勾起我一d回忆，一个格局同乐园差不多既地方，同样系市政街市熟食中心，观塘的南园。中学时期系附近读书，果阵十五蚊一个餐，算系几抵食所以都经常黎，虽然呢度附近我都经常黎但就好似好耐无再系度食过野，谂返起对上一次已经系一九九六年，阔别十一年再黎食过，上到去个格局依然无变，价钱方面，以前食开既快餐都只系加o左三蚊，十八蚊就有饭有汤仲有饭品，转冻饮都系加一蚊姐，真系好鬼平。坐低无耐已经谂起以前最钟意食茄汁猪扒饭，就叫返个，首先黎个罗宋汤，无乜特别，唔够两分钟饭同野饮都到，猪扒饭都系无乜特别，但d饭质素比想像中好，仲有火腿同春卷。仲有样野本来我已经唔记得，就系d伙记十一年前已经可以一次拎六碟饭仲可以高速行黎行去左串右插，估唔倒十一年后既今日佢地依然做倒。讲到好似无乜野咁，事实虽然系，但如果同上次乐园比，呢度真系每一样野都胜过佢，仲要好明显果只。