#HAPi x YMS Cafe (零碳天地)

营业中

休息中

一到星期五就梗系同同事出去食吓午餐啦，唔通仲留喺写字楼食咩。呢间系零碳天地嘅餐厅，搭巴士细嘅经过见佢装修唔错，终于有机会食啦。我哋两个人分别叫咗两个主菜，一个包糖两杯抵饮试吓。我就叫咗个松露蘑菇忌廉意粉，因为我本身几钟意黑松露嘅味道。个松露意粉属于素食配蘑菇，啲意粉唔会太远唔会太晏，味道配埋松露汁好吃。我朋友就叫咗个蒜香辣虾意粉。呢个系新菜式，我朋友话个辣虾意粉系有啲辣，不过辣得几过瘾，虾都好爽口，佢叫我下次都要试吓。我哋仲叫咗个照烧焦糖洋葱牛肉包share食，啲牛肉味道大少少甜，因为加咗焦糖及洋葱，我觉得咁样更会带出牛肉的味道。我哋大家都叫咗杯特饮，我就叫咗佢哋嘅招牌嘢饮Green Tangerine Americano杯嘢饮苦中带酸，酸中带甜，味道好特别好香口好消暑。我朋友就嗌咗个薄荷朱古力咖啡，佢话杯嘢份量好足，薄荷亦都好香，佢成杯饮晒一滴都冇剩。另外都值得讲吓佢周围嘅环境，周围系好多绿色盆栽及绿色植物，感觉非常青绿，好似去咗郊外地方咁，感觉唔错。我期待下一次再嚟试吓佢唔同嘅食物同特饮。