影片
更多
2022-05-26
1011 浏览
之前食个中午套餐都几好食，就嚟咗试下母亲节套餐，估唔到每样嘢都唔错！如果想食晚市中菜都可以考虑吓~爱母宴套餐$2688 8位用🍴乳猪拼海蜇 (7/10)乳猪好香脆，皮下面带住好多肥膏，食落比较油腻，咗一旧就唔想食🤣海蜇好爽口，好大条，ok的🤣🍴芝士龙虾伊面 +$268 (8/10)龙虾新鲜，肉质弹牙爽口，有龙虾鲜味，伊面煮得偏淋，比较似上汤伊面，冇乜芝士味，汁太多，太稀身，但个汁几香食得到龙虾嘅鲜味。🍴碧绿带子炒螺片 (8/10)带子啱啱好熟，好鲜味，肉质系一丝丝，有口感，唔会太硬太淋，螺片爽口冇异味，四季豆炒得好爽口，炒得几好食。🍴杏香百花球 (9/10)即叫即炸，好香脆，入面系虾胶，好弹身有虾味，杏仁放左系外层，增添香气同口感！🍴红烧竹笙鸡丝翅 (8/10)调味适中，鸡汤咸香，食到好多鸡丝，翅都爽口！唔加红醋都好好食！🍴原只鲍鱼扣金钱 (7.5/10)鲍鱼虽然系罐头，但都好爽口弹牙冇异味，冬菇系浸水冬菇，好有菇味好淋身，生菜爽口唔会淋。🍴清蒸海星班 (8/10)蒸得啱啱好好，肉质好滑，食得出新鲜东星班，鱼肉香甜。🍴 脆皮烧鹅皇 (9/10)烧鹅有惊喜，皮脆有油脂嘅香味，肉质嫩滑有鹅
爱母宴套餐$2688 8位用
🍴乳猪拼海蜇 (7/10)
乳猪好香脆，皮下面带住好多肥膏，食落比较油腻，咗一旧就唔想食🤣海蜇好爽口，好大条，ok的🤣
🍴芝士龙虾伊面 +$268 (8/10)
龙虾新鲜，肉质弹牙爽口，有龙虾鲜味，伊面煮得偏淋，比较似上汤伊面，冇乜芝士味，汁太多，太稀身，但个汁几香食得到龙虾嘅鲜味。
🍴碧绿带子炒螺片 (8/10)
带子啱啱好熟，好鲜味，肉质系一丝丝，有口感，唔会太硬太淋，螺片爽口冇异味，四季豆炒得好爽口，炒得几好食。
🍴杏香百花球 (9/10)
即叫即炸，好香脆，入面系虾胶，好弹身有虾味，杏仁放左系外层，增添香气同口感！
🍴红烧竹笙鸡丝翅 (8/10)
调味适中，鸡汤咸香，食到好多鸡丝，翅都爽口！唔加红醋都好好食！
🍴原只鲍鱼扣金钱 (7.5/10)
鲍鱼虽然系罐头，但都好爽口弹牙冇异味，冬菇系浸水冬菇，好有菇味好淋身，生菜爽口唔会淋。
🍴清蒸海星班 (8/10)
蒸得啱啱好好，肉质好滑，食得出新鲜东星班，鱼肉香甜。
🍴 脆皮烧鹅皇 (9/10)
烧鹅有惊喜，皮脆有油脂嘅香味，肉质嫩滑有鹅味，连胸肉都好好食，真心下次想外卖返屋企加𩠌！
🍴鲍汁荷叶饭 (8.5/10)
份量好多，荷叶味好香，鲍汁调味啱啱好，饭粒唔会太湿，入面有虾米鸡肉用料都好多，真心用心去做个饭，冇唔好求其Hea🤣
🍴贺母蟠桃 (9.5/10)
平时好唔钟意食莲蓉寿包，又甜又腻，但呢个真系有惊喜，莲蓉唔会太甜入面有包咸蛋黄，个咸蛋黄系流沙嫁！咸香又中和甜腻，面包香甜有韧度，真心好好食，食完一个都会想食多个😆
推荐指数: 8.5/10
真心好耐冇食过酒楼嘅套餐系咁好食，起码每一样都唔伏，有中上嘅质素！屋企人都好钟意，仲话下次生日嘅话再嚟食饭🤣🤣🤣屋企有老人家又想食中菜都会推荐呢一间！
张贴
