ME TIME CAFE (已結業)

之前食过，见咁耐冇帮衬过，就决定午餐黎食。餐牌冇乜点变过，之前的慢煮鸡髀等到依家都未有返，唯有转拣鸡扒餐。今次星期六，人流唔算多，所以侍应态度都唔错，而且上餐速度算快。沙律份量唔错，菜新鲜冇变，而且系配芝麻酱，正😍😍，但芝麻酱略略偏咸，建议可转少酱。鸡扒面咁大块，够滑冇雪味，亦唔咸，唔错唔错👍！！而饭就属珍珠米，粒粒分明，唔算软身，加左少少饭素，更开胃。呢个价钱，系九龙湾黎讲算超值，如果系港岛或观塘区，应该要过百。而且假期黎唔洗等位，几好。