影片
更多
2022-01-28
572 浏览
好多九龙湾嘅街坊都会去呢度饮茶，我都已经食过好多次🤣同酒楼嘅点心比较，呢度嘅点心好食好多，虽然可能贵少少，不过胜在用料足，味道好！全日都唔收加一，一个价钱，点心即叫即蒸，几乎每一款点心都新鲜好食~🍴雪山叉烧包 $27 (8/10)即叫即焗返，热辣辣，外脆内软，包皮好薄，叉烧酱甜甜地，都有叉烧粒，几好食~ 🍴鲜虾烧卖皇 $29 (8.5/10)烧卖有好大一只虾仁，入边嘅猪肉系粒粒，唔系绞碎嘅猪肉，加埋冬菇，虾仁爽口，猪肉调味啱啱好~🍴鲜虾菜苗饺 $28 (9/10)食压咗虾饺，鲜虾菜苗饺比较清新啲，菜苗系用咗豆苗，唔会太老，虾仁都好爽口，好大一只，个皮都算薄，好食！🍴龙虾汤鲜竹卷 $30 (8/10)个汤好浓，饮得出有鲜味，冇味精，鲜竹卷比较清淡清淡，腐竹好薄，入面有猪肉云耳，口感好扎实，真材实料。🍴陈村粉蒸排骨 $28 (7.8/10)排骨好滑身，一啲都唔会鞋，调味啱啱好，陈村粉好好食，吸晒排骨嘅精华，好薄好滑。🍴 山竹牛肉球 $25 (7.5/10)山竹牛肉球里边有芫荽马蹄陈皮，虽然有少少碱水味，但都好弹牙，好大一粒，加埋喼汁，真系冇得输~🍴咸鱼肉饼饭 $30 (9.5/10)呢度嘅
🍴雪山叉烧包 $27 (8/10)
即叫即焗返，热辣辣，外脆内软，包皮好薄，叉烧酱甜甜地，都有叉烧粒，几好食~
🍴鲜虾烧卖皇 $29 (8.5/10)
烧卖有好大一只虾仁，入边嘅猪肉系粒粒，唔系绞碎嘅猪肉，加埋冬菇，虾仁爽口，猪肉调味啱啱好~
🍴鲜虾菜苗饺 $28 (9/10)
食压咗虾饺，鲜虾菜苗饺比较清新啲，菜苗系用咗豆苗，唔会太老，虾仁都好爽口，好大一只，个皮都算薄，好食！
🍴龙虾汤鲜竹卷 $30 (8/10)
个汤好浓，饮得出有鲜味，冇味精，鲜竹卷比较清淡清淡，腐竹好薄，入面有猪肉云耳，口感好扎实，真材实料。
🍴陈村粉蒸排骨 $28 (7.8/10)
排骨好滑身，一啲都唔会鞋，调味啱啱好，陈村粉好好食，吸晒排骨嘅精华，好薄好滑。
🍴 山竹牛肉球 $25 (7.5/10)
山竹牛肉球里边有芫荽马蹄陈皮，虽然有少少碱水味，但都好弹牙，好大一粒，加埋喼汁，真系冇得输~
🍴咸鱼肉饼饭 $30 (9.5/10)
呢度嘅蒸饭系即叫即蒸，饭系粒粒分明，整得好干身唔会太湿，咸鱼肉饼真系好好食，虽然咸鱼咸咗啲，但有咸香味，肉饼食得出鲜味同埋都弹牙，真心好钟意佢嘅肉饼饭！
推荐指数: 9/10
点心真材实料，价钱都唔算贵，基本上每一样都唔会中伏，好有心机心思去做好点心嘅平民小店，推荐大家可以试吓~
张贴
