大漁屋台 (已結業)

相约朋友到九龙湾做yoga，做yoga前朋友带左我去得宝食日本野，唉？！乜原来得宝开左间日本餐厅？！真系好喇，其实九龙湾真系冇乜呢啲居酒屋，今晚一于去试下先！餐厅装潢富日本色彩，色彩鲜艳，未食野已经觉得心情舒畅起黎！先黎餐前小食 - 萤光鱿鱼冲渍鱿鱼🦑非常爽口，味道调得不错，用黎送酒一流麻酱番茄豆腐沙律沙律一直都系我既至爱，每次食日本野都必叫之一！呢个沙律有豆腐、厚切番茄、沙律菜同埋三文鱼子，加上麻酱甜甜酸酸的，好味又开胃！北海道生蚝虽然唔系好大只，不过蚝味十足，加少少柠檬汁可以提鲜辣味铁火卷辣味铁火卷卖相唔错，卷上有几粒吞拿鱼，卷中包著青瓜丝，再配以沙律酱一齐食，味道都唔错，几清新。虽然个名叫辣味，以为好辣，但其实只有少少少辣，怕食辣既朋友都岩食。烧物 - 鹿儿岛黑豚肉串烧及鸡颈肉串烧 用料为鹿儿岛赤鸡，选料上盛，烧过的豚肉及鸡肉仍保存肉汁，外脆内软，肉质鲜嫩，加少少柠檬汁，味道更为提升。关东煮我平常都好钟意食炸蟹饼，见到呢度有蟹饼关东煮见几得意，又叫左黎试下。估唔到蟹饼配芥末酱又唔错㖞，味道清甜又清新！滑蛋吉列黑豚丼豚肉炸至香脆，上面加上紫菜，内里有豆腐、冬菇及有量洋葱，仲挂左少少