Simplylife Bakery Cafe (已結業)

星期日既下昼一点零，唔使等位就入左去食个brunch😛 餐厅宽敞，座位舒服，适合两个人静静地食餐饭倾下计。南瓜汤南瓜味浓，仲有芝士碎同香草系面，汤嘅口感颇滑，碟旁有一块法包，包身软熟，不过块皮就比较硬，同友人share碟牛油用，建议将面包沾汤，可以软化面包。香煎𫚧鱼茴香有机糙米饭食之前以为只碟好深，但原来只碟都几浅下，饭量并唔多，亦有啲难𢳂饭，但酱汁香浓，饭有咬口，整体不错。火腿蘑菇车打芝士奄列+香草烧薯+烧蕃茄摆盘有啲好笑，奄列超大份，但蕃茄同薯角就零零星星散落系旁边。奄列内有拉芝，蘑菇同火腿，蛋味香浓，食落会觉得有啲滞。蕃茄嘅数量实在少得可怜，只有两细旧，不过蕃茄系煎过，暖暖地，十分香甜。薯角煎得颇香，几惹味，建议mix埋奄列既芝士汁一齐食。另外饮品方面奉送一杯桃味嘅冰茶，本身有问可唔可以转热饮，但居然要加钱，所以都系打消左呢个念头。建议餐厅可以比支匙羹客人，因为杯野饮太大杯，一开始饮觉得冇乜味，但饮到一半会突然变甜，应该系d糖沉左底，所以建议边拌匀边饮。