ME TIME CAFE (已結業)

Me Time Cafe位于九龙湾工厂区地舖位置，铺面唔系好sharp，灰色嘅水泥墙门面，唔系用心睇都好容易会错过，平日午饭时间一般都会见到门外面有人排队同等位，应该算系九龙区CP值唔错兼且好味嘅餐厅！(😵‍💫小编自己成日都觉得九龙湾系美食沙漠)我都算系呢间餐厅嘅常客，价位大确$50-70，好似话每个月都会转餐单，有成20款菜式比你拣，午餐包西汤同饮品，基本上嗌每一款餐都大份夹抵食，正常食量嘅女生可能会觉得太大份添。摆盘亦都好吸引，以cafe黎讲算cp值高，不过老实讲唔系款款菜式都值得介绍，个人比较钟意佢嘅全日早餐、鸡扒配薯条，仲有以下落嚟想介绍嘅意大利粉！佢嘅意大利粉标榜用珍珠带子，虽然真系非常迷你，但数埋都有差不多10粒，意粉个酱汁都几浓郁，意大利面就偏粗身，似扁意粉。由于九龙湾附近真系唔多Cafe，冇乜比较下佢嘅味道整体算高质，喺附近返工系打工仔值得一试，但系如果唔系喺附近做嘢嘅朋友，就未必需要特登过嚟啦。