越南米紙 (已結業)

朋友约淘大睇九点半，收工去到附近食个饭先，淘大商场无咩啱食，行下行下，行到过牛头角街市后边安基苑商场，见到呢间越南野有人等紧位，反正有排未够钟，试下佢等左十分钟到，有人埋单就安排入座，餐厅不算太大，大约十零张台，我地坐二人单边卡位睇下餐牌，食物正宗越式，虾饼，檬粉之类，选择都几多，见到晚餐连饮品都系七八十元几抵，一人叫左一个。我点左个泰妃鸡饭，类似海南鸡饭，饭呈金黄色，上桌时渗出浓浓椰汁味，加埋特制姜蓉，味道很醒胃，泰妃鸡肉表皮爽滑，鸡肉够腍第一时间食左只鸡脾仔，点埋甜豉油，味道一流好友点左香茅猪扒捞檬，檬粉都颇大碗，檬粉很爽口，捞埋台面秘制酱汁，酸酸甜甜，味道非常清新，跟餐的越式炸春卷，入边包左红萝卜丝，外层炸米网纸，很香口有咸香，比之前其他地方食过嘅好味。我地每人仲加钱叫左菠萝及芒果沙冰，叫餐可以六折价钱点选，都几抵，即叫即打，两杯味道都很浓，饮到最抵都很够味，值得推介。食完埋单，两个人二百元有找，相当抵食。