泰傳奇 (已結業)

印象中九展以前真系冇咩嘢食，今日喺九展行嘅时候发现原来二楼都新开左好多餐厅。见到呢间泰国餐厅，望一望门口嘅餐牌，发现都几抵食㖞。海南鸡饭 ($65)上枱嘅时候见到大大份嘅油饭，同埋数量唔少嘅鸡。海南鸡嘅部位都相当之嫩滑，咬落系好软林，配埋姜戎同辣椒酱真系一流。而且油饭都相当之香，成个饭都几好食。香叶肉碎蛋饭 ($60)呢个可以话系色香味俱全，闻到好香嘅香叶味，同埋色泽都唔错，辣辣地好惹味呀，送饭一流！总括两个餐都系又抵食又好味。跟餐包纸包饮品，我同友人想再泰国风味啲就加$8转咗特饮，分别系珍多冰同三色冰，两款都好重椰香味，唔算太甜，推介。