七月餐室 (已結業)

今晚同朋友去九龙湾揾食，响OpenRice 见到食评话d野食都吾错，咁就去试吓，叫咗3个𩠌（七月小炒皇， 黑椒茄子牛仔骨煲， 蜜桃咕噜百花球， 冻柠檬茶）。一坐低就畀咗两碗例汤（煲老黄瓜）我哋先， 我觉得碗汤甜到一个点， 好似落咗糖咁， 唔似平时煲汤𠮶种甜味， 唔系咁啱我口味。（七月小炒皇） 配料有 土鱿， 虾米， 虾球， 腰果， 白饭鱼干， 花生粒， 韭菜花， 我觉得唔系好够镬气 。（ 黑椒茄子牛仔骨煲）， 牛仔骨一食落去就有一阵美极酱油味 ， 肉质都松软， 茄子都淋滑， 里面嘅蒜子入口即溶， 但系就唔系好觉有黑椒味 ，但我觉得啲一个𩠌系最好味嘅👍🏻（ 蜜桃咕噜百花球）百花球食落好似鱼蛋咁，又冇炸过， 芡汁太多， 我个人就觉得唔合格啦。（白饭） 饭食得出d米系靓嘅。（ 冻柠檬茶） 由于我叫咗走甜， 我觉得茶味有少少涩口。